‘राति फुल्ने फूलहरू’ कविता पुस्तक विमोचित
काठमाडौँ ,पुष १५,२०६९ अन्तर्राष्ट्रिय नेपाली साहित्य समाज नेपाल च्याप्टरले कवि प्रकाश नेपालको कवितासङ्ग्रह ‘राति फुल्ने फूलहरू’ को विमोचन कार्यक्रमको आयोजना गर्यो । सो कृतिको विमोचन कार्यक्रमका प्रमुख अतिथि नेपाल प्रज्ञा प्रतिष्ठानका उपकुलपति गङ्गाप्रसाद उप्रेतीले गर्नुभयो । सो अवसरमा उपकुलपति उप्रेतीले विदेशी भूमिमा बसेर नेपाली साहित्य सिर्जना गर्ने स्रष्टारूको प्रशंसा पनि गर्नुभयो ।
अध्यक्ष एवं अनेसास केन्द्रीय समितिका वरिष्ठ उपाध्यक्ष राधेश्याम लेकालीको सभा अध्यक्षतामा सम्पन्न कार्यक्रममा समालोचक देवी नेपाल र साहित्यकार शैलेन्द्र साकारले सो कृतिबारे आ–आफ्नो समालोचकीय मन्तव्य प्रस्तुत गर्नुभएको थियो । सोही अवसरमा पेन नेपालका महासचिव प्रकाश ए राज, बाबु नेपाल, संस्थाका महासचिव सन्ध्या पहाडी र सदस्य यादव भट्टराई लगायतले विमोचित कृतिबारे मन्तव्य व्यक्त गर्नु भएको थियो । सो अवसरमा कविद्वय राजेन्द्र शलभ र मणिराज सिंहले विमोचित कृतिबाट कविता वाचन गर्नु भएको थियो ।
कबि प्रकाश नेपाल वाशिंगटन डिसी महानगरीय क्षेत्रमा लामो समय देखि बसोबास गर्दै आई रहनु भएको छ भने वहा एक क्रियाशील समाज सेवी पनि हुनु हन्छ lअमेरिका मै अध्ययन पुरा गरि सूचना प्रबिधि क्षेत्रमा संलग्न हुनु हुन्छ lसानै देखि साहित्यमा रुचि राख्ने र वाशिंगटन डिसीमा अ ने सा सले आयोजना गरेको कविता प्रतियोगितामा प्रथम स्थान भै सक्नु भएका नेपाल वाशिंगटन डिसी महानगरीय शाखाको अधक्ष्य हुनु हुन्छ भने अन्य सामजिक संस्थाहरुसंग आबद्द रहनु भएको छ l
विजय थापा
भर्जिनिया ,अमेरिका
