|
[VIEWED 65181
TIMES]
|
SAVE! for ease of future access.
|
|
The postings in this thread span 9 pages, go to PAGE 1.
This page is only showing last 20 replies
|
|
|
Bhaute
Please log in to subscribe to Bhaute's postings.
Posted on 07-03-05 7:34
AM
Reply
[Subscribe]
|
Login in to Rate this Post:
0 
? 
|
| |
सरुभक्त-१ (साझा बसिबियाँलो) सरला पल्लो कोठामा अझै सुँक्क सुँक्क गर्दैथी। कोठा त खै के भन्नु, एक रातको लागि मात्र बना'को पराले छाप्रो नि अब। एउटा परालको भारिले मात्र लोग्ने मान्छे र स्वास्नी मान्छे सुत्ने ठाम छुट्ट्या'को थियो। ओढ्ने ओछ्छ्याम्ने सबै परालै पराल। "ल ल अब नडरा, भोलि छेउघरे लामाकाँ लैजाम्ला तँलाई। अनि ठिक भैहाल्छ" सारुनी दिदीले सम्झाइन् तेसलाई। त्यो भने लगातार ह्वाँक्क ह्ववाँक् गरेको गरेइ। "कस्ति केटी होली, जे हुनु भै'गो। कत्ति डराकि होली। यसको त सातै गएछ कि क्या हो!" मन मनै भुटभुटाएँ। तेस्का ह्वाँक्क ह्ववाँक् धेरै सुनेर कन्सिरि नै तात्न थालिसक्याथे के मेरा। मैले त राति हुँदो तेता नजाम् त भन्याँथेँ नि पहिले। त्यसैले कर गरेर जाम कि जाम गरी। फेरि जुन पनि आजै कस्तो टह टह लागेका नि । त्यसै घुम्न जाम् जाम् जस्तो के। "गोबिन्दे आ'को भे यस्तो हुदैनथ्यो कि। "सरले र मेरो बिचमा गोबिन्देको आबश्यकता खट्केको आजै हो ल मलाई। नत्र त सँधै यो केटो किन हाम्रा पछि लाग्दोहोला भन्ने लाग्थ्यो। कहिले काहीँ त झनन्न रिस पनि उठ्थ्यो। *** *** *** *** *** "अहम्???.." सतम्कोटे माईला दाई घाँटि बजाउदै कोल्टो फेरे। सबैजना निद्रामा मस्त छन्, दिनभरिको थकाइले होला। मलाई मात्र छटपटी भै'रेछ। मेरा मनाँ फेरि कुरा खेल्न थाले। "यो केटी किन त्यसरि डराकी होली। खै मलाई त केहि डर लाग्याछैन, वा म केटा-केटी नै भे'र हो। म बल्ल आउने पुषमा १२ बर्ष। सरले चै ३ बर्ष ५ महिनाले जेठी" । मेरा आँखा जोडिएलान् भन्यो झन ठुला ठुला भे' जस्तो लाग्यो। *** *** *** *** *** म एकैचोटी खङ्रङ्ग तर्से। केको छायाँ परेजस्तो भो। यसो हेर्या त जुनलाई सानो बादलको भुल्कोले छोप्यारैछ। फेरि उज्यालो भो। यो बादलको पनि क्यै भर छैन के। कतिबेला आउँछ, पवित्र चन्द्रमाको सतित्वमा धावा बोल्छ र फेरि एकैछिनमा पानीको फोका जस्तै बिलाएर जान्छ। यसो ठनासेको, सरले चैँ चुप लागिछे। घरि घरि नाक मात्र बजेको सुनेँ। केटीले बल्ल मन दह्रो पारिछे भन्ने लाग्यो, मन मनै खुशि भएँ, अब सुत्न पाइने भो भनेर। उता फेरि मस्राङ्गी घुर्न थाल्यो, बाघै गर्जे जसरि। मेरो मन भने फेरि सरले तिरै। निन्द्रा भनेको पटक्कै छैन बा, के भा' हो कुन्नि। *** *** *** *** *** मस्राङ्गीले जोडले खोक्यो। अगि घुर्दा परालको झुर्का मुख भित्र पसेछ के त्यसको त। खोक्दै उठ्यो र "खाक्" गरेर बाहिर तिर "थुउउउ" गर्यो। मैले आँखा चिम्ले जस्तो गरेर तेसलाई हेर्दै थेँ। त्यसले त सबैको कपडा झुण्ड्या'को ठाम्मा छाम-छुम गर्छ बा। "होइन,यो त चोर हो कि क्या हो? हो रे'छ भने त आज चै फेला पर्यो है यो। न निधा'को ठिकै भे'छ। सरलेले अहिले सम्म ह्वाँक्क ह्ववाँक् गरेको पनि काम लाग्यो जस्तो छ" मन-मनै सरलेलाई पनि धन्यबाद दिएँ। त्यसले त बिजुली खैनि पो निकाल्यो र मुखमा हाल्यो, अनि आफ्नै ठाममा गएर सुत्यो। "यसले कसैको केहि चोर्दे त मैले पक्रेर पौरख देखाउँछु" भन्ने सोँचेको। मेरो मन खिस्रिक्क भो। *** *** *** *** *** -भउते
|
| |
|
|
The postings in this thread span 9 pages, go to PAGE 1.
This page is only showing last 20 replies
|
|
|
Bhaute
Please log in to subscribe to Bhaute's postings.
Posted on 08-25-05 3:29
PM
Reply
[Subscribe]
|
| Login in to Rate this Post:
0
?
|
| |
उफ धागो खोज्दा खोज्दा हैरान। सरलेकी त हैन, गोबिन्देकी बुइनि चै अखोरै राम्री छ। सिरिपाँचको कुरो जमुनी सँग मिल्ला जस्तो छ। गोबिन्देको बुइनी चैँ मुलाई कुरो गर्दिनु परो। साथिको बुइनि, आफै कुरो बढाम्न अलि अप्ठेरो लाग्यो के। :) -भउते
|
| |
|
|
Ishwor
Please log in to subscribe to Ishwor 's postings.
Posted on 08-26-05 8:26
AM
Reply
[Subscribe]
|
| Login in to Rate this Post:
0
?
|
| |
गुरुजी, जनैपूर्ने पनि सकिसक्??यो, क्?यान चाइयो धागो । आबु धागो को पीर नमानी, चाँडो गरुम्? है ।आप्नु समय साकिनुलागो । धन्?न गुरूबा फिरेछन्? । आबु पस्?किनु परो । सारो भोक लागो । ईश्?वर
|
| |
|
|
Poonte
Please log in to subscribe to Poonte's postings.
Posted on 08-26-05 8:58
AM
Reply
[Subscribe]
|
| Login in to Rate this Post:
0
?
|
| |
ईश्वर तैंले घिचेर फेरि कसरी भोकाऽईस्? हे, भउते कथाऽऽऽ चाँडै नै पस्की, धन्य छ तँलाई! (तँ तँ लायो भनेर रिसानी होला नि फेरि केटारु। ठट्टाको सुराँ गीतसँग मेलो ग-या मात्रै, है! ठट्टै मा नि रिसानी भऽकै हो भने चईँ यत्रै सिद्धि! मेरी धोबिनी कै च्यात्त्याऽऽऽऽ पेटिकोट कै कस्सम्!)
|
| |
|
|
Bhaute
Please log in to subscribe to Bhaute's postings.
Posted on 09-05-05 1:36
PM
Reply
[Subscribe]
|
| Login in to Rate this Post:
0
?
|
| |
सरुभक्त-९ (साझा बसिबियाँलो) सरले अझै जाडोले टुक टुक काम्दै थी। गाला र पाखुराका छालामा काँढा उम्रेको देखेर कस्तो मुसारुम मुसारुम जस्तो लागिराथ्यो आफुलाई। फेरि जाडोले कामेको देखेर टिठ पनि लाग्यो विचरीको। " जा यार, त्यो सट लगेर उs त्यो गोठ तिर घाम लाsको ठाममा सुकाsर आइजे।" मैले तेल्लाई सल्लाह दिएँ। "अनि म नाङ्गै बस्नी ?" सरलले आँखा तरी। "के भो त, हाम्ले सप्पै देखिसकेम।" भनेको त गोबिन्दे खुतुतुत्त पो हाँस्छ। "ला, यो मेरो सुइटर लगा।" अगि त्यल्ले चप्पल देsको सम्झेँ। फेरि मैले भित्र बाट लाम्बाउले सट पनि लगाथेँ। पैला त मानेकी थिइन, एकछिन पछि त जाडो भेsछ कि क्या हो, "खै लेउ तिम्रो सुइटर" भनेर मागी र गोठ तिर गएर फेरेर आई। *** *** *** *** *** "ल अब तिमेरुले चुली बनाम्न ढुँगा खोज केटा हो" भन्दै सरलेले जोतेको ठामको माटो यसो मिलाम्न लागी। गोबिन्दे माथितिर लाग्यो, म तलतिर लागेँ। एउटा ढुँगा लिएर फर्कदै थेँ एकै चोटी गद्र्याम्म आवाज आयो। पैला त गोबिन्देले ढुँगा फालेको होला भनेर वास्ता गरिन। पछि त रोएको पो सुनिन्छ। "ए गोबिन्दे, के भो?" भन्दै हाम्ले यता उति हेरेम्। केटो त कतै छैन बा। ठगेले फर्केर पिटेछ कि क्या हो भन्दै दुगुर्दै माथितिर गाsको त गराको कुनामा बसेर रोइराको गोबिन्दे त। फेरि टाउको र ढाडमा पनि माटै माटो छ। बारीको छेउको चिउरे ढुँगा उखेल्न खोज्दा उछिट्टिएर ढुँगा सँगै तल्लो गरामा पो खसेछ के केटो। धन्न ढुँगा तेस माथि नै परेनछ भनम् न। "अनि त्यो चिउरे ढुँगा आगोमा परेपछि त पड्किहाल्छ नि। क्यार्न उखेलेको त।" सरलेले त उल्टै गालि पो गर्न थाली। मैले त्यल्लाई उठाइँ र धुलो सुलो झार्दिएँ। "आइज हाम्ले खोजिसकेम्" भन्दै हामी फर्केम्। एकछिन केटो आएन,लाज मानेर होला, एकछिन पछि त अगिको त्यो चिउरे ढुँगा बोकेर पो आउँछ। " न ले के त्यो याँ, तातेर पड्किन्छ" भनेर सरलेले भन्दा भन्दै चुलीको छेउमै ल्याsर राख्यो। दु:ख गरेर उक्काको, त्यै भेsर होला नि। फेरि त्यो अलि अटेर अटेर पनि छ नि, आफ्नै कुरोमा अड्डी लिनी जतिखेर पनि। *** *** *** *** *** क्रमश...
|
| |
|
|
Bhaute
Please log in to subscribe to Bhaute's postings.
Posted on 09-05-05 2:15
PM
Reply
[Subscribe]
|
| Login in to Rate this Post:
0
?
|
| |
बाँकी पोष्ट अर्छु हुँदै हुन्न बा, के भाको यो ?
|
| |
|
|
Bhaute
Please log in to subscribe to Bhaute's postings.
Posted on 09-05-05 2:21
PM
Reply
[Subscribe]
|
| Login in to Rate this Post:
0
?
|
| |
एकै चोटी धेरै टाँस्न नमिलेको हो कि। फेरि भएन। टुक्रा पारेर टराइ मारम है त। *** *** "ल गोबिन्दे, त्यो आगो सल्काउने र पकाउने भाग तेरो हो के रे" सरलेले चुली सुली बनाएर ठिक्क पार्दै भनी। "लौ छोड, म गरिहाल्छु नि" भन्दै तम्स्यो केटो। सरले र म अलि पर गएर गिँदरीको पात टिपेर धागोले बाँधेर चुङ्गी बनाएम्। "कतिमा ग्याम, ल भन् सरले" "२० मा" "छि के बीसमा खेल्नि, पचास गरम्" मैले कैले काईँ एकै पाल्टिमा २० पुर्याईदिन्थेँ के। अझ साच्चिको चुङ्गी त ४० ट्याक सम्म लगाउने नि। त्यसैले २० मा ग्याम हुनेगरि त खेल्नै मन लागेन। "मलाई २ ढाल देउ है त" सरलेले मान्न त मान्नि भई। "अनि ब्याक कति फाल्नि नि?" केटीले त ब्याक फाल्ने पनि सिकिसकिछ, मच्चिदै सोधी। "५ हात" म पनि के कम नि। हुन त ४ हात भन्दा धेरै हान्न सक्ने त होईन। कैले काईँ झुक्केर ५-६ हात नै पुग्थ्यो के। "हुन्न बाई, ३ हात मात्र" के के नै फूर्ति लगाईथी, केटीका लुल झरिहाले। हामेरु चुङ्गी पनि खेल्दै गएम र बीच बीचमा गोबिन्देलाई पनि आँखा लगाउदै गएम। आगो सल्क्यो कि भनेर भन्दा पनि घ्यू खाईदिन्छ कि भनेर। *** *** *** *** *** *** "मैले त आगो सल्काम्नै सकिन यार, आओ न तिमेरु पनि" गोबिन्देले चिच्याउदै भन्यो। "तेरो भागको काम हो तैँ गर।" सरलेले ओठे जबाफ दिई। मेरो खुट्टा बाट चुङ्गी खस्यो भुईँमा। "तिमेरु कराएको सुनेर झुक्किएँ यार म। म त फेरि खेल्छु।" सुरु गरेको ४ पनि नपुग्दै फुत्केछ के चुङ्गी। "हुन्न बाई, यिनी त कस्ता झ्याली रैछन।" सरले ले मानिन। "साच्ची हो के। के को झ्याली भनेकि छेस् अर्कालाई" मैले पनि जिद्दी गरेँ। "खेल्दिन बाई, यस्तो झ्याली सँग। म त गएँ।" सरले त साच्ची गई। " हारेँ भन् न बरु। ५ ग्याम खाईहालिस के रे" मैले लगातार ५ ग्याम लगाईदिसक्याथे के। ट्याक लगाउन त त्यसले राम्रै गरेकी थी, ब्याक फाल्ने बेलामा वाङ् खाईहाली नि केटीले। *** *** *** *** *** क्रमश....
|
| |
|
|
Bhaute
Please log in to subscribe to Bhaute's postings.
Posted on 09-05-05 2:24
PM
Reply
[Subscribe]
|
| Login in to Rate this Post:
0
?
|
| |
ल गएछ, अब बाँकि। साझामा नि सानदाइले धारा १२७ लगाएछन् जस्तो छ। एकै पल्ट धेरै हरफ टाँस्नै नमिल्नी। *** *** *** हामेरु जाँदा त केटो पसिना पसिना भेsर बसेको, त्यो जाडोमा पनि। आँखा भरि आँसु, अनि सिंगान सुर्किदै कालो र निलो नि, के भन्नि अब। "यो दाउरा, डाँठ सबै चिसो रेsछ यार, बल्दै बल्दैन।" गोबिन्दे हातले सिँगान पुछ्दै रुन्चे स्वरले गुनासो गर्यो। "सकिन भन्न, के को दाउरालाई दोष लगाम्छस्।" "लु, तै सल्का न त, सक्छेस भने।" "ल, म आगो फुकेर भात सात पकाम्छु, तैँले भाडा माझ् है त।" सरले पनि के कम नि। "परेन, मै सल्काम्छु।" भाँडा माझ्न पर्ने देखेर केटो फेरि अगि सर्यो। यसो सलाईको खोरी खोल्दैथ्यो, सरले कराई हाली। "लु हेर यसले त सप्पै सलाई सकेछ, खै छाड्" सरले अघि सरी। "छाड् के, मै सल्काम्छु।" गोबिन्देले दिएन। " ऐले सलाई सक्यो भने तैँ जान पर्छ घर, आगो लिन।" सरले ले सर्त राखी। त्यो सुनेर "ला भो तैँ सल्का, बरु भाँडा नै माझ्छु।" भन्दै गोबिन्दे पछि सर्यो। म मन मनै खुशी भएँ, मेरो पलान सफल भाsको देखेर। अनि गोबिन्दे र म फेरि चुङ्गी खेल्न थालेम्। *** *** *** *** *** "जाउ न भउते, उ त्यो साईँली माङको गोठमा गएर छानाको खर थुतेर ल्याउ। मेरो सट पनि सुक्यो होला ल्याइदेउ है।" चिसो दाउरा सँग केटीको पनि क्यै दम चलेनछन्। "देखिस् त, खुब मलाई भन्थिस नि !" गोबिन्दे खुशि भेsर सरलेलाई खुच्चिङ गर्यो। अरु बेलाँ भे त एकैफेर भनेको भरमा मान्ने मान्छे कहाँ हो र म। क्यार्नु, आफ्नै पेटाँ मुसा कुद्न थालिसकेका थिए, भनेको मान्नै पर्यो नि अब। फेरि कति खेर पाक्छ र ओहोरा खाने धोको पुरा हुन्छ भनेर बसिराs। पैला त्यसको सट लिन पर्यो भनेर यसो खोजेँ, कतै छैन। फेरि चिच्याएर सोधेँ। "त्यैँ अलिपर कुट्मेरोको फेदनेर हेर न" सरलेले जवाफ दिई। सरलेले भनेको ठाम्मा पनि छैन त सट। अलि पर हेरेको त सारुको गाईले त्यसका सट त मज्जाले चपाईराsको। खोस्न भनेर गाsको त झन गाई त सट मुखमा लेsर दुगुर्छ बा। बल्ल बल्ल भेटेर समातेँ। मेरो हातमा त बाउला मात्र आयो, बाँकि गाईले नै खाँदै दुगुर्यो नि, के भुन्नी अब। *** *** *** *** *** :) -भउते
|
| |
|
|
pundit
Please log in to subscribe to pundit's postings.
Posted on 09-05-05 4:17
PM
Reply
[Subscribe]
|
| Login in to Rate this Post:
0
?
|
| |
|
|
| |
|
|
shree5
Please log in to subscribe to shree5's postings.
Posted on 09-05-05 5:27
PM
Reply
[Subscribe]
|
| Login in to Rate this Post:
0
?
|
| |
बुझेउ भउते, गाईलाई नुन ख्वाउनी बेला भएछ। नत्र हरियो घाँस छोडेर कमेज त क्यार्न खान्थ्यो र? मैलो न मैलो हुँदो हो केरे, नुन खान नपुगेको गाईले तेही मैलो कमेज खाईदियो । अब कपडा अलि धुन अर्न पठाम्न परो सरलेलाई । धन्न बाहुला सम्म पाएछौ, अझ गाईले कट्टु भेटाएको भा त बाहुला पुनि नभेट्टाम्नी केरे । Keep rolling...
|
| |
|
|
Bhaute
Please log in to subscribe to Bhaute's postings.
Posted on 09-05-05 5:39
PM
Reply
[Subscribe]
|
| Login in to Rate this Post:
0
?
|
| |
खाशै मैलो त हुन नपर्नी। पन्ध्र-पन्ध्र दिन मै नुहाम्थेम त पुजा साबुनले। त्यो गाई नै बहुलाsको हुन पर्छ ल। अब कट्टु त आजकाल भाs सुघेरै छाड्दिन्थ्यो होला, पैला त के अर्थ्यो होला कुन्नी। टराइ गरिएन। :) -भउते
|
| |
|
|
Dada_Giri
Please log in to subscribe to Dada_Giri's postings.
Posted on 09-05-05 6:07
PM
Reply
[Subscribe]
|
| Login in to Rate this Post:
0
?
|
| |
हैन यो सरलेको सट भुत्लाको हो कि भाबियोको भुन्या? गाइले खायो रे? ठगेरे आफ्नो पुरानो सटको बाहुलो फालेर त्यो सट चोरेर लग्यो होला।
|
| |
|
|
harkedai
Please log in to subscribe to harkedai's postings.
Posted on 09-06-05 2:46
PM
Reply
[Subscribe]
|
| Login in to Rate this Post:
0
?
|
| |
hyan bhaute dai ko katha daro gaai raako recha, ma chai haraai raako. bhaute dai aba chai ma pani haajir hai.:p Ki katha nai saki sakeko ho???????????????????????????? ani tesh pachi k bhayo ? mailey ta sabai ekai patak padhera sakaye yaar. kyarnu aba, dhera pachi sajha ma aako. aafai harauney bela bhai sakyo. aba chai sadhai haajir la, pakka. harkeDai
|
| |
|
|
Bhaute
Please log in to subscribe to Bhaute's postings.
Posted on 09-06-05 4:10
PM
Reply
[Subscribe]
|
| Login in to Rate this Post:
0
?
|
| |
ए s, आयौ हर्कु ? लु यसो पिढी तिर पिर्का तानेर बस्दै अर है। जोत्नि डल्ला फोर्नि अरेर आsको जस्तो छ नि। चस्याsको हो कि बाँझै जोतेको हो? हलो जुवा झुन्डेको देखेर के। उजेलीपाखो चै चस्याउन मुत्रै बाँकि, अँधेरि पाखो त बाँझै जोत्याछैन रे भुन्ने सुन्याथेँ। अहिल्यै ब्याडाँ बिउ सिउ त राखेनौ होला के रे। तिर्खाsर आsका हौला, मुइ खान दिने मुन्छे नि छैनन् याँ त। :) -भउते
|
| |
|
|
harkedai
Please log in to subscribe to harkedai's postings.
Posted on 09-06-05 4:53
PM
Reply
[Subscribe]
|
| Login in to Rate this Post:
0
?
|
| |
a bhaute dai, lau na dhaan kaatney bela po huna laako jasto laagcha ta malai. Yo bhadau ma pani kheet jotchan ra bhanya???????????????????????????? Haamra tira ta jotdainan jasto laagcha, khai teta tira po jotchan ki ? Yo halo bokera chai mathla gharey maila dai ko samma jaana laako, testai paryo kya...... Hoina bhaute dai, timro मुइ ta bhutro pani khanna mohi dinchau bhaney chai huncha kyara. Puspapuri ley sodheko bhaye pani lau ho ta ni bhannu. aaaaaaaaaaaaaaaa puspaaaaaaaaa hera hai yo buda ley malai मुइ khaau bhandai cha. :P:P:P:P:P:P:P:P Thukka bhaute dai, sarala ko yaad ma kosailai pani baaki narakhney bho. Dada bro hoos garera basa hai, timro ta najikai cha kyara, aaula tetai tira. harkeDai (mmpk school ma download garna namilera english ma lekhnu parcha, artha chai aafai khulau hai)
|
| |
|
|
Bhaute
Please log in to subscribe to Bhaute's postings.
Posted on 09-06-05 6:47
PM
Reply
[Subscribe]
|
| Login in to Rate this Post:
0
?
|
| |
हर्कुले बाँझो फोर्न पाएनछन् जस्तो छ। जोतिसकेका मेलाँ चस्याएर आएछन् के रे। खेत जोत्न नि भदौ र असौज भुन्दै छन्। यिनलाई जहिले नि कात्तिकै आम्न पर्नि फेरि। :) मर्द मुन्छे भ'सि सिरेदाइ जस्तो बाह्रमासे हुनुपर्च, हेर। :p अब त्यो हलो बोकेर दिउसै कता माइलादाइका तिर हिँडेको त ? घोँचो लिएर लखेट्लान् नि फेरि, आफ्ना बारी जोत्न आयो कि भुनेर। :P :) -भउते
|
| |
|
|
Bhaute
Please log in to subscribe to Bhaute's postings.
Posted on 09-16-05 5:36
PM
Reply
[Subscribe]
|
| Login in to Rate this Post:
0
?
|
| |
सरुभक्त-१० (साझा बसिबियाँलो) "खै त खर?" म रित्तै आsको देखेर सरलेले सोधी। "ला तेरो सट" भन्दै मैले त्यसको सटको बाउला त्यो तिर फाल्दिएँ। पैले त त्यसले पत्याईन, पछि सबै कुरा भने पछि त केटि रुम कि हासम् भै नि। गोबिन्दे चैँ हासो खप्न सकेनछ र खुतुतुतु गर्दैथियो। *** *** *** *** *** अब जे भे नि ओहोरा त खानै परो भनेर म फेरि खर लिन गोठ तिर लागेँ। मैले यसो पर्खाल बाट जुल्क्याम्दै गोठ भित्र हेरेँ। हुन त साईँला दाइ बिहानै आएर कुँडो-पानी गरिवरि भैसिलाई घाँस हालेर फर्किसक्छन्। तर कहिले काहिँ त्यहिँ छेउमा घाम तापेर सुतिराख्छन के। आज धन्न गैसक्या रैsछन जस्तो छ। बुढालाई दाइ, बुढीलाई चैँ माङ भन्थेम हामेरु। मैले पर्ल्याक पुर्लुक सबैतिर हेरेँ कसैले देख्याछन् कि भनेर। साइलादाइ अलि मुर्ख मुर्ख पनि छन् के। रिस उठ्यो भने हाताँ जे छ त्यसैले झटारो हान्छन्। फेरि तिनका हाताँ खुर्पा टुट्दैन। तादि नै एकचोटी साईँली माङलाई यामे सँग टौवा मुनि लडिबुडि गर्या रङ्गेहात फेला पारेछन्। यामे त कुन सड्को कुन सड्को फुत्केर तल साग बारिमा भ्वाक्क फुङ्गालेर भागेछ। साईँलि माङ चैँ हाताँ गुनिया लिएर भाग्न लागेकी, गुनिया गिँदरीका दाउरामा अल्झेर लडिछन्। अनि त झ्याप्पै हातका खुर्पाले गर्धन मै हानेछन् दाइले त। धन्न कपालले छेकेर बचिछन्। कपाल त सब ठुटे भाsको थियो ल। *** *** *** *** *** तै नि गोठमाथि मकैका खोस्टा राख्यातिर सुतिराख्याछन् कि भनेर २ पाल्टी "साईँला दाइ, साईँला दाइ" भनेर बोलाएँ। कोहि नबोले पछि पक्का छैनन् भन्ने ठानेर हतार हतार पर्खालमा चढेँ अनि धमाधम छानाको खर थुत्न थालेँ। एक्कैछिनमा त भुँ भुँ गर्दै भैसि-बारुलो पो उड्छ बा। म हत्त र पत्त भुईँमा फुङ्गालेँ र दुगुरे। भाग्दा भाग्दै एउटा बारुलो आएर गालै नेरि टोकिहाल्यो नि। हातको खर त्यहिँ भुईँमा फ्यात्त फालेर दुकुर्दै आउँदा त तिनेरु मज्जा सँग हाँसेर बसि राsका ल। "आफूलाई यहाँ कस्तो बारुलाले टोक्यो" मैले रुन्चे स्वरमा भने। "हो र? खोइ हेरम् त। ओहो, खिल नै छोडेछ। पर्ख है भउते एकछिन म निकाल्दिन्छु" भन्दै सरलेले मेरो गालामा मुख राखेर चुस्दै थुक्दै गर्न थाली। खोई किन हो कुन्नि मलाई चैँ दुखेको अलिक निको भे जस्तो लाग्यो। एकैछिनमा हेर्दा हेर्दै मेरो अनुहार त सुन्नियर भोगटे जस्तो भैहाल्यो । आँखा साँखा जोडिएर जापनिजको जस्तो नि, के भन्नि अब। गोबिन्देले मैले फालेको खर लिएर आएछ। सरलेले आगो सल्काम्न थाली। बल्ल बल्ल आगो बल्यो। सरले नsभा भेs त हाम्रो के खुबि नि। अब बल्ल खान पाइने भो भनेर खुसि भएम हामेरु। सरलेले कसौँडी बसाली। म मुला पखाल्ल थालेँ। " म त यसै भाँडा माझ्ने उसै भाँडा माझ्ने" भन्दै गोबिन्दे चैँ कान्लातिर चढ्यो। *** *** *** *** *** क्रमश...
|
| |
|
|
Bhaute
Please log in to subscribe to Bhaute's postings.
Posted on 09-16-05 5:37
PM
Reply
[Subscribe]
|
| Login in to Rate this Post:
0
?
|
| |
"ओइ, गोबिन्दे, त्यहाँ ठोट्नेमा नचढ् त। सप्पै झुसिल्किरा भाताँ खस्छ" सरले ठुलो ठुलो स्वरले कराई। "छैन के झुसिल्किरा सुसिलकिरा, असम् ठोट्नेमा किरा नै लाsछैन" भन्दै त्यो त झन् मच्ची मच्ची टुप्पातिर गयो। केटी देखेसि यस्तै हो के त्यो, नगर भन्यो भने झन उल्केर फूर्ति देखाउन पर्छ तेसलाई। गोबिन्देले "चेs चेs, ल हैs, ल हैs" भन्दै हाँगा हल्लाउदैथ्यो, कोर्याक्क गरेर गद्र्याम्म गर्दै हाँगा सहित भातमाथि खस्यो त्यो त। मैले त एकैचोटी भुईँमा देखेको त्यसलाई। बल्ल बल्ल बलेको आगो, कस्यौँडीको पानी पोखिएर जम्मै निभ्यो। चामल सामल भुईँ भरि नि, के भन्नि अब। "खाइस अब ओहोरा, मैले अघि नै न जा त भन्दै थेँ नि।"सरले भुट्भुटाउँदै कस्यौँडी उठाउन थाली। गोबिन्दे त रुन पनि सकेन, हास्न त झन के सकोस बिचरो। "कस्तरि लडेँ यार" ळाज पचाउन खोज्दैथ्यो तेसले। केटालाई भित्र भित्र चैँ ठुलै चोट लाग्यो जस्तो लाग्यो मलाई। यसो हेरेको त निधार बाट रगतै आएछ तेस्को त। अघि न ले भन्दा भन्दै चुल्हो बनाउन ल्याsको चिउरे ढुंगामा परेछ के तेसको निधार त। "धन्न आगोले पोलेन, भन् न" मैले तेसको निधारको धुलो पुछिदिदै भने। सरलेले तितेपाति खोजेर मिचेर निधारमा लगाइदी। हामी भन्दा अलि जान्ने बुझ्ने थी के त्यो। दिन धेरै गैसक्या थियो। हामी भने भोकले टट्टु भैसक्याथेम। के गर्नु, अब खाने कुरा पनि केहि थिएन। हामी एक अर्काको भोकले न्याउरिएर टुर्लुक्क परेको मुख हेरेर मज्जासँग हासेम् अनि त्यहि काँचो मुला कोपर्दै घरतिर फर्केम्। *** *** *** *** *** :) -भउते
|
| |
|
|
shree5
Please log in to subscribe to shree5's postings.
Posted on 09-16-05 5:48
PM
Reply
[Subscribe]
|
| Login in to Rate this Post:
0
?
|
| |
बारुलाले टोकेको रनाँहामा तिमले होसै पाएनौ जस्तो छ केरे भउते । बारुलाले जो टोकेको ठाममा चुस्दा त झन दुख्न पर्नी हो केरे बिपत्तैसित, बरु तिम्रो आर्को चईनी गालो चुसिछ केरे सरलेले, तिमलाई होस भएन होला बरु। keep rolling...
|
| |
|
|
Bhaute
Please log in to subscribe to Bhaute's postings.
Posted on 11-03-05 7:26
PM
Reply
[Subscribe]
|
| Login in to Rate this Post:
0
?
|
| |
सरुभक्त-११ (साझा बसिबियाँलो)
-भउते काजि बैशाख-जेठमा गर्मि भेsर होला पौडि खेल्न जाने भने सि हुरुक्क हुने हामेरु। घरबाट फेरि जानै नदिने। बुबा हिजो स्याङजा जानु भाsको, जग्गाको कामले। यै बेला पारेर पौडिन जाम भनेर मच्चाएँ केटाहरुलाई। आमाले गाली गरे पनि हातै चैँ हाल्नुहुन्न थ्यो, सायद कान्छो छोरो भेsर हो कि कुन्नि। कैले काहीँ त्यै दाईले हो पिट्न खोज्नी। मैले उल्टै ढुङगाले हान्ने भाsको भेsर त्यो पनि म सँग डराम्थ्यो। आजकाल ठगे सँग पनि राम्रै थ्यो मेरो। त्यसैले गोबिन्दे, म अनि ठगे भेsर हापछुट्टी मै ज्याग्दी खोला तिर हानिएम्, सरलेलाई पनि थाs नदिकन। हामेरु डाँडाको चौतारीमा पुग्दा त कस कसले देखेछन् कुन्नि, "भागेs भागेs" भन्दै चिच्याउन थाले स्कुलबाट। हामेरु यसो जंगल तिर पसेर रुखले छेलिदै झरेम्। एक घण्टा जंगलै जंगल झरे पछि खोलामा पुगेम, १० बजे तिरै। बिहानमा पढाई हुन्थ्यो के त्यतिबेला। हामेरु अलि छिट्टै खोलामा पुगिएछ। जङ्रादीको रहमा त घाम नै नपरेको नि। "ऐले त जाडो हुन्छ यार, एक छिन बाहिरै खेलम्" मलाई खोलामा पस्नै डर लाग्यो, जाडोले। "ल ल, एकछिन कुलामा माछा मारम्" गोबिन्देले पनि मेरो कुरामा सहमत जनायो। "म त साँझलाई तरकारी खोज्छु" भन्दै ठगे चै खोले साग र जलुका खोज्न थाल्यो। केटो बाठो रेsछ, अलि अलि तर्कारी घरमा लगे पछि गालि गर्दैनन् भनेर होला। हेर्दा हेर्दै खोलामा घाम पनि पर्यो। धुर्कोटे केटाहरु पनि गाइ-बाख्रा धपाउदै, धुलो उडाउँदै झरे। अनि हामेरु पनि कपडा खोलेर पौडिन थालेम। *** *** *** *** *** एकछिन पौडेपछि म र गोबिन्दे खोलापारीको बालुवामा खाल्डो खनेर ईनार बनाएर खेल्दै थेsम। बालुवामा खाल्डो खनेर अलि तल पुगे पछि पानी निस्कन्थ्यो, त्यो देखेर हामेरु पानीको मुल फुट्यो भनेर दङग पर्ने नि। "ए भउते, पख तिम्लाई" पारी बाट चिनेको स्वर आयो। को रेsछ भनेर हेरेको त, को हुनु, त्यै सरले छँडुली नि। "ला यार, सरले नि आईछे। म जाँ गयो त्यैँ पछि पछि आम्न पर्ने त्यसलाई। कस्ति केटी हो।" मैले गोबिन्दे सँग भने। "तिमेरुले लप गर्या हो?" गोबिन्देले एक्कासि सोध्यो। "ए, ध्वाँसे, जे पायो त्यै बोल्छस्?" मैले त्यसलाई मुठ्ठी भरि बालुवाले आँखामै हानिदिएँ। क्रमश:
|
| |
|
|
Bhaute
Please log in to subscribe to Bhaute's postings.
Posted on 11-03-05 7:28
PM
Reply
[Subscribe]
|
| Login in to Rate this Post:
0
?
|
| |
त्यो लप सप भन्ने मलाई थाहा थेsन के त्यतिबेला। भर्खर भर्खर किलासमा अँग्रेजी सुरु भएको थियो। के के नै अँग्रेजी बोल्नि भनेर बिहान बिहानै एक अर्कालाई देख्ने बित्तिकै " गुड मर्णिङ कलास फोर, गुड मर्णिङ सर, राम स्ट्याण्ड अप, सिट डाउन" भनेर सप्पै एकै सासमा सिध्याउँथेम्। त्यो लप भनेको सुनेको त थेँ, तर अर्थ चै अर्कै बुझेको रैsनछु मैले। अब केटा र केटीले लप गर्ने भने पछि त त्यै के के गर्नी भनेको होला भनेर झन रिस उठेको नि मलाई। "हैन भने हैन भन्न, त्यत्तिकै हान्छ, यो ढ्याङ्रेले मलाई।" गोबिन्देले मुख छोड्यो। सानोमा म अलि मोटो र डल्ले डल्ले थिएँ के। त्यसैले झगडा गर्दा मलाई केटाहुरले ढ्याङ्रे भन्थे। गोबिन्देको त आँखामै बालुवा पसेछ, आँखा बन्द गर्दै खोला तिर दुगुर्यो, आँखा पखाल्न। हामेरु झगडा गर्दा गर्दै सरले पनि त्यैँ आइपुगी। रह भन्दा अलि तल घुडा घुडा मात्र आम्छ के पानी। खोलो फराकिलो भएर छिहिरो परेको छ त्यहाँ। हुन त सरलेलाई पनि पौडिन नआम्ने त होइन, तै पनि किन हो कुन्नी त्यो अलि तल बाट हिँडेरै तरेर आई। *** *** *** *** *** "किन भउते तिमेरु भागेर आsका? हेड सरले तिमेरुको नाम टिपेर राख्नु भाsछ, भोलि खाने भयौ सजिवनको छडि।" सरलेले खुच्चिङ भनेको पारामा एकै सासमा सबैकुरा सुनाई। "तैँलेई भन्देको त होला नि, उता जा गुन्द्रुके।" त्यसका कपाल अलि अलि घुम्रेको थियो। त्यसैले रिस उठेको बेलामा मैले त्यसलाई गुन्द्रुके भनेर गाली गर्थेँ। अनि स्कुलमा पनि त्यसैले भन्देकी हो कि भनेर झन रिस उठ्ठयो, त्यो सँग। "के को मैले भन्थे र। सबैले तिमेरु भागेको देखेका रेsछन्। अनि भाग्यो भाग्यो भनेर सबै कराम्न थाले, अनि त सरहरुले थाs पाईहाले नि।"त्यसले कुरा मिलाम्न खोज्दै थी। यत्तिकैमा गोबिन्दे आएर मलाई घ्याच्च सरले तिर पो धकेल्छ बा। सरले नभाsको भा म मुन्टिदै ढुङ्गामा ठोकिन पुग्थे। धन्न त्यो सँग ठोकिएर बचेँ। तै पनि आफ्नै खुबिले धानिए जस्तो गरेर सरलेलाई " उता जा ! जाँ गयो त्यै मसँग ठोकिन आउन पर्नी यसलाई" भन्दै धकेल्दिएँ। त्यो ढुन्मुनिदै खोलाको पानीमा परी। मलाई त्यसै रिस उठीराsथ्यो, त्यसमाथि धकेलेको देखेर झन पारो चढिहाल्यो। त्यै बगरको ढुँगा टिपेर गोबिन्देको टाउकैमा घुनुन्न पारेर हान्दिएँ। सरलेले आएर हामेरुलाई छुट्याई। "यो भउतेलाई आज के भाsछ के। फस्ट ब्वाई भेsर पनि स्कुल बाट भागेर आम्नि। मसँग त्यत्तिकै रिसाम्नी। फेरि गोबिन्देलाई पनि त्यत्रो ढुँगाले हान्नी बाई। त्यो आँखामा लाsका भे के हुन्थ्यो भन त। " सरले कराउन थाली। गोबिन्देको त टुटिल्कै उठेछ टाउकोमा। त्यसले एकछिन त्यै टुटिल्को समाएर बस्यो। रुन चैँ रोएन। :-) -भउते
|
| |
